O salón Edugal abre as súas portas con 39 expositores

2013-04-11

O salón Edugal abre as súas portas con 39 expositores


11/04/2013 - Jesús Iglesias (Pontevedra)


PONTEVEDRA. O II Salón de Educación e Formación de Galicia, Edugal 2013, abrirá hoxe as súas portas ás 10.00 horas coa presenza de 39 expositores e trece conferencias, actividades artísticas e de Formación Profesional. O acto de inauguración oficial terá lugar ás 10.30 horas e estará presidido polo conselleiro de Educación e Ordenación Universitaria, Jesús Vázquez Abad; a concelleira de Promoción Económica, Carlota Román; o director de Edugal e vogal de Aempe, Eduardo Barros; o subdelegado do Goberno en Pontevedra, Antonio Coello Bufill; a deputada provincial Ana Isabel Vázquez e directivos de Novagalicia Banco.


Os expositores ofertarán orientación individualizada a todos os asistentes, xa que, segundo a organización, espérase a visita de 60 colexios e institutos de toda a provincia. As institucións académicas que se poderán atopar en Edugal son: Formación Cruz Vermella Española, Universidade de Vigo, Universidade de Santiago de Compostela, Residencia de Estudantes RESA, Forzas Armadas, Education First, Escola Universitaria de Turismo de Asturias, Universidade de Salamanca e a Escola de Pilotos Adventia, Escola de Negocios Novagalicia Banco, Escola Superior Gallaecia, Universidade Europea de Madrid, Escola de Imaxe e Son de Vigo, Xunta de Galicia, Uned en Galicia, Escola Superior Gallaecia, Federación de Anpas de Pontevedra, Centro Integrado de FP A Xunqueira, IES Chan do Monte, AIKA, Escola de Restauración e Conservación de Bens Culturais, Escola de Enxeñaría Industrial de Vigo, IES Luís Seoane, CIP Escola de Negocios, IES Montecelo, Escola Superior de Arte Dramático de Galicia, Aempe, Instituto Politécnico de Bragança, Asociación e Fundación Xoán XXIII, 'quieroserdocente.com', Fundación Laboral da Construción, Over the Rainbow Idiomas, Escola de Finanzas, Cegafor Kids, Orienta, Centro Superior de Hostelería de Galicia, Universidade Fernando Pessoa e Academia Thema.


Dentro do salón están previstas unha exhibición de esgrima; un taller de radio e obradoiros de baile e cociña.